SƏLİM MÜSLUMOVUN QAYNININ RƏHBƏRLİK ETDİYİ İDARƏ YOXLANIR – YENİLİK.AZ

SƏLİM MÜSLUMOVUN QAYNININ RƏHBƏRLİK ETDİYİ İDARƏ YOXLANIR

Əlaqə:994 50 295 94 79, yenilikaz@gmail.com
Hesablama Palatası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Hərbi Qulluqçular və Xüsusi Rütbəli Şəxslərlə İş İdarəsində nəzarət tədbiri həyata keçirir.
Mia.az xəbər verir ki, Hesablama Palatası “APA-Economics”in sorğusuna cavab olaraq bildirib ki, bu ilin aprelin 2-dən nəzarət tədbiri başlanılıb və may ayının sonunda başa çatdırılması nəzərdə tutulub.
“Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Hərbi Qulluqçular və Xüsusi Rütbəli Şəxslərlə İş İdarəsində nəzarət tədbiri 2017-ci ilin dekabr ayında təsdiq olunmuş “Azərbaycan Respublikasının Hesablama Palatasının 2018-ci il üçün iş planı”na uyğun olaraq həyata keçirilir”, – deyə məlumatda vurğulanıb.
Nəzarət tədbirinin nəticələri Hesablama Palatasının kollegiya iclasında müzakirə edilərək təsdiq olunduqdan sonra qanunvericiliklə müəyyən edilmiş qaydada açıqlanacaq.
Mia.az bildirir ki, DSMF-nin Hərbi qulluqçular və xüsusi rütbəli şəxslərlə iş idarəsinə sabiq nazir Səlim Müslümovun həyat yoldaşının qardaşı Ağalar Xasayev rəhbərlik edir.

Related Articles