LERİKDƏ ƏRİ TƏRƏFİNDƏN DÖYÜLƏN HAMİLƏ QADIN KOMAYA DÜŞDÜ – FOTO

Saytla əlaqə: 994 50 295 94 79, yenilikaz@gmail.com

Lerik rayonunda hamilə qadın döyülüb.

Yenilik.az Report-a istinadla xəbər verir ki, hadisə rayonun Orand kəndində baş verib.

Həmin kəndin sakini, 24 yaşlı Fərəcova Zakirə Məhərrəm qızı əri və qaynı tərəfindən amansızcasına döyülüb. Qadın aldığı xəsarətlərdən komaya düşüb. Bu barədə zərərçəkənin atası Daxili İşlər Nazirliyinin “102” Xidməti- Zəng Mərkəzinə məlumat verib.

Zərərçəkənin atasının bildirdiyinə görə, qızını bacısı oğluna ərə verib:

“Bu hal birinci dəfə deyil ki, baş verir. Bundan əvvəl də oxşar hal baş verdiyindən Rayon Polis Şöbəsinə ərizə ilə müraciət etmişəm. Lakin izahatı alındıqdan sonra sərbəst buraxılıb”.

Gecə saat 03:00-da qadın ağır vəziyyətdə özünü atasının evinə qədər çatdırıb, həyətə çatanda huşunu itirib. Zakirə Fərəcova ağır vəziyyətdə Lənkəran Rayon Mərkəzi Xəstəxanasına çatdırılıb.

Xəstəxanada Z.Fərəcovaya 13-14 həftəlik hamiləlik, sağ gözün hematoması diaqnozu qoyulub. Əlavə müayinə olunmaq üçün qadın Diaqnostika Mərkəzinə göndərilib.

Faktla bağlı Lerik Rayon Polis Şöbəsində araşdırma aparılır.

Related Articles

+994 50 295 94 79
top