Rəmişin xanımı: “Ağciyərimin yarısını sənə verərəm”

Saytla əlaqə: 994 50 295 94 79, yenilikaz@gmail.com

Bir neçə gün öncə vəziyyəti pisləşərək xəstəxanaya yerləşdirilən xalq artisti, tanınmış gitara ifaçısı Rəmişin səhhətində irəliləyiş var.
Yenicag.az-a açıqlama verən sənətkarın xanımı Gülü Hüseynova onu süni nəfəs aparatından ayırdıqlarını deyib:
“Rəmiş süni nəfəs aparatından ayrılıb. Hazırda ona sistemlər qoşulur. Həkimlər hələ konkret bir söz demir. Müalicələrin bitməsini gözləyirlər”.
Rəmişin oksigen çatışmazlığından əziyyət çəkdiyini deyən Gülü onu bir dəqiqə də olsun tək buraxmadığını bildirib:
“Rəmiş ağciyər xəstəliyindən əziyyət çəkir, nəfəsalmasında ciddi problemlər var. Vəziyyəti pisləşəndə əlimi tutdu və dedi ki, mənsiz qalacaqsan. Dedim ağciyərimin yarısını kəsib sənə verərəm, səni ölməyə qoymaram. O, mənim alığım nəfəs, havam, suyumdur. Onsuz bir an da yaşaya bilmərəm. Xəstəxanada da yanından çəkilmirəm, onu bir an da olsa, tək qoya bilmərəm”.

Related Articles

+994 50 295 94 79
top