Müəllimlərin işə qəbulu imtahanlarında 29 səhv sual aşkarlanıb – Nazirlik

Saytla əlaqə: 994 50 295 94 79, yenilikaz@gmail.com

“Müəllimlərin işə qəbulu imtahanlarında istifadə olunan sualların yoxlanılması zamanı ekspertlər ümumilikdə 29 sualda texniki qüsur müəyyən edib. Bunlardan 20-si Azərbaycan bölməsində, 9 rus bölməsində olub”.

“Report” xəbər verir ki, bunu Təhsil Nazirliyinin İnsan resursları şöbəsinin müdir müavini Murad Camalzadə imtahanların yekunlarına həsr olunan mətbuat konfransında deyib.

O bildirib ki, bu suallar ümumi sualların 0, 54 faizini təşkil edib: “Texniki qüsur dedikdə, imtahan sessiyası zamanı həmin sualın məzmununda səhvin olması (15 sual), bir suala iki düzgün cavabın uyğun gəlməsi (5 sual) eyni sualın eyni imtahan sessiyasında təkrar verilməsi (1 sual) və digər (8 sual) hallar nəzərdə tutulur”.

Murad Camalzadə qeyd edib ki, imtahan zamanı hər hansı namizəd tərəfindən bu suallara verilmiş cavab səhv və ya cavablandırılmamış kimi qeydə alınmışdırsa, həmin cavablar namizədin xeyrinə düz cavab kimi qeydə alınacaq və namizədin balına hesablanmasında nəzərə alınacaq: “Bununla yanaşı, texniki qüsuru olan sualların məzmunu açıqlanacaq və onlardan olan qüsur izah olunacaq”.

Nazirlik rəsmisi əlavə edib ki, yekun nəticələr sabahdan hər bir namizədin şəxsi səhifəsinə göndəriləcək: “İyulun 27-dən başlayaraq namizədlər şəxsi səhifəsi üzərindən imtahan təşkilatçısına apellyasiya qaydasında müraciət edə bilər. Həmin müraciətlər iyulun 29-da qədər qeydiyyata alınacaq. Müraciətlərin nəticələri avqustun 6-a qədər şəxsi səhifəyə göndəriləcək. Müsabiqənin vakansiya seçimi mərhələsi avqustun 7-dən açıq elan ediləcək. Bu il müsabiqəyə ilkin olaraq təxminən 7000 vakant iş yerinin çıxarılması gözlənilir”.

Related Articles

+994 50 295 94 79
top