“Bizim günahımız nədir?” – Tolikdən Kəmaləddin Heydərova MÜRACİƏT

Saytla əlaqə: 994 50 295 94 79, yenilikaz@gmail.com

Tanınmış prodüsser, teleaparıcı Tarix Əliyev (Tolik) Azərbaycanın fövqəladə hallar naziri Kəmaləddin Heydərova və “Azəriqaz” İstehsalat Birliyinin Baş direktoru Əkbər Hacıyevə müraciət edib.

Hurriyyet.org xəbər verir ki, T.Əliyev yaşadığı binaya qazın verilməməsindən şikayətçi olub və bu barədə sosial şəbəkədə paylaşım edərək şikayətini dilə gətirib:

“Hörmətli FHN Kəmaləddin müəllim və “Azəriqaz”ın Baş direktoru Əkbər Hacıyev, məcbur olub buradan sizə müraciət edirəm. Yaşadığım bina Bakının iki strateji obyektinin (Heydər Əliyev Mərkəzi və Bakı Konqres Mərkəzi) qarşısında yerləşdiyindən əminəm ki bu bina tikiləndə binanın bütün sənədləri tikintidə istismara yararlı olmağına əmin olmasaydılar, bu bina tikilməzdi. 205 mənzilli bu binanın hal-hazırda suyu, işığı mövcuddur. Hər birisi sayğaclarla təmin edilib.

Bu gün cənab Prezident İlham Əliyevin vətəndaşların yaşayışının yaxşı olmasını düşünərək hətta ucqar rayonlarda da vətəndaşlarımızı qazla təmin edib və etdirir. Amma əfsuslar olsun ki, bizim binanın qazla təmin olunması üçün bütün proseslər başa çatıb. Binaya qaz çəkilib, sayğaclar qoyulub, bloblar vurulub qaz verilməsinə tam hazır olması barədə akt da imzalanıb. Bu gün qaz verilməsini gözləyərkən “Azəriqaz” bildirir ki, FHN binanın ümumu təhvil aktını verməsə, qaz verilməyəcək.

İndi mənə maraqlıdır, bu aktı verməsələr, binanı sökəcəklər? Burada bizim günahımız nədir? Vətəndaşlar soyuqdan binada yaşaya bilmir. Xahiş edirəm, cənab nazir bu barədə müvafiq tapşırıqlarınızı verəsiniz”.

Related Articles

+994 50 295 94 79
top