Yenilik.Az
www.Yenilik.Az » Cəmiyyət » Şeyx: “Cəmiyyəti arvadlaşan kişilərdən təmizləmək lazımdır”

Şeyx: “Cəmiyyəti arvadlaşan kişilərdən təmizləmək lazımdır”

Şeyx: “Cəmiyyəti arvadlaşan kişilərdən təmizləmək lazımdır”
2022-06-28 , 19:41

“Cinsi azlıqlara heç bir şəkildə azadlıq vermək olmaz. Bu işlərə məsul olan dövlət strukturlarına - Milli Məclisə, Ədliyyə Nazirliyinə, məhkəmələrə və digər inzibati orqanlara müraciət edirəm, bu, nə olan şeydir? Onlar bu şərəfsizlik, əxlaqsızlıq, mənəviyyatsızlıq, rüsvayçılığı dəstəkləyirlər? Bunu təbliğ edirlər? Nəyə görə bu boyda müsibət rüsvayçılığı qoymuşuq özbaşına. Hara gedirik belə? Ataların gözəl bir məsəli var: “ölünü özbaşına qoysan, şıllaq atıb kəfənini cırar”. Ona görə də bunları belə buraxmaq olmaz. Allah buyurur ki, insanları cənnət və cəhənnəm üçün yaratdım. Allah bunu deməklə insanlar üçün böyük mənəvi, əxlaqi şərtlər qoydu, yəni hansı əməllərə görə sən cənnətə, hansı əməllərə görə isə cəhənnəmə gedə bilərsən. Bu gün bütün ölkələrdəki konstitusiyalar da bunun üzərində qurulub. Allahın qoyduğu qanun, peyğəmbərlərimizin vəsiyyətləri, dövlətlərin konstitusiya qanunlarında təsbit olan şeylər planlı şəkildə pozulursa, hansısa bir “gədə” gedib arvadlıq etmək istəyirsə, hansısa qadın gedib başqa şey etmək istəyirsə, onlar sadəcə olaraq həşəratlar və tullantılardır, cəzalandırılmalıdırlar”.

 
Bunu Pravda.az-a açıqlamasında Azərbaycanın Xalq artisti, kinorejissor Şeyx Əbdül Mahmudbəyov deyib.
 
Xalq artisti qeyd edib ki, cəmiyyətdəki cinsi azlıq halı xəstəlikdir: “Xəstəliyi məhv etmək lazımdır. Ağcaqanaq, ya başqa bir həşərat səni dişləyəndə, onu öldürmürsən? Məgər onu bəsləyirsən? Bu da elə bir şeydir. Ona görə də onlar təcili sürətdə daşqalaq edilməli, edam olunmalıdırlar. Biz bu şeyləri amansızca məhv etmiriksə, hələ bunun üstündə onların fikrin öyrənib müzakirə ediriksə, bunun sonu hara gedir? Bütün bu hadisələri gördükcə Adolf Hitlerə rəhmət oxuyuram. Onun “Mayn kampf” əsəri var və o, orada bəzi şeyləri çox gözəl yazıb. İndi biz onu faşist kimi təqdim edirik, amma bu tam elə deyil axı. O nə deyirdi ki?! Siyasi hakimiyyət tərəfini başa düşdüm ki, zalım idi-filan, deyirdi ki, sağlam bədəndə sağlam ruh olar, yəni cəmiyyət sağlam olmalıdır. Xəstə, təfəkkürsüz, əxlaqı, mənəviyyatı pozulan adamlar cəmiyyətdə normal insanlarla birgə yaşaya bilməzlər. Bu əməllərin qarşısında ən aşağılayıcı sözlər belə acizdirlər. Belə əməllər hətta bu sözlərə də layiq deyillər. İctimaiyyətə üz tutub yalvarıram, xahiş edirəm, bu, bizim Vətənimizdir və qorumalıyıq. Cəmiyyəti arvadlaşan kişilərdən təmizləmək lazımdır. Bunun qarşısı vaxtında alınmalıdır, çünki sayları da artıq çoxalıb. Bu həm qanun, dövlət səviyyəsində, həm də ictimai qınaq səviyyəsində həyata keçirilməlidir”.
 

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.