Yenilik.Az
www.Yenilik.Az » Cəmiyyət » Eyyub Kərimli: “ƏDV-nin azaldılması büdcə yığımlarına mənfi təsir göstərə bilər”

Eyyub Kərimli: “ƏDV-nin azaldılması büdcə yığımlarına mənfi təsir göstərə bilər”

Eyyub Kərimli: “ƏDV-nin azaldılması büdcə yığımlarına mənfi təsir göstərə bilər”
2022-10-03 , 17:47

“Milli Məclisdə, eyni zamanda iqtisadçı-ekspertlər çevrəsində müzakirə aparılır ki, ərzaq mallarında ƏDV-nin azaldılması bahalaşmanın qarşısını alacaq. Bilirsiniz ki, Azərbaycanda ƏDV 18%-dir. İqtisadçılardan bəziləri təklif edirlər ki, bu rəqəm 2-4% azalsın, hansısa bir fomada insanlar həmin vəsaiti şəxsi xərclərinə istifadə edə bilsinlər. Beynəlxalq təcrübədə bunu araşdırdıq. Bu cür hallarda ƏDV-nin azaldılması bahalaşmanın və ya inflyasiyanın azalmasına çox da təsir göstərmir. Məsələn, Türkiyədə bu cür üsuldan istifadə edirlər. Lakin orda əks təsir etdi, sahibkarlar bəzən qiymətləri süni artırmaqla məşğul oldular. Hesab edirəm, bu gün ƏDV-nin azaldılması büdcə yığımlarına da mənfi təsir göstərə bilər”.

 
Bu sözləri Pravda.az-a açıqlamasında iqtisadçı-ekspert Eyyub Kərimli deyib.
 
Ekspert təklif də verib: “ƏDV-nin azaldılması sosial baxımdan həssas təbəqəyə istehlak səbətinə uyğun limitlər qoymaqla nəzərdə tutula bilər. Bu, həm həssas təbəqəli insanlara ərzağa əlavə vəsait xərcləmə imkanı yaradacaq, eyni zamanda onlar vəsaitlərinə qənaət etmiş olacaqlar. Hesab edirəm, təqaüdçülərə, tələbələrə və digər sosial müavinət alan insanlara 400-500 manatlıq limit ərzağı almalarına ƏDV-nin ləğvi, ya da azaldılması imkanı verilə bilər. Sözsüz ki, bunu həyata keçirmək üçün müvafiq mexanizmlər işləməlidir. Digər tərəfdən bizdə bəzi ərzaq mağazaları, pərakəndə ərzaq satan mağazalar ƏDV-siz çalışır. Bu, vergi inzibatçılığı və vergi, digər orqanların yükünün artmasına səbəb ola biləcək. Bu gün sosial təminata ehtiyacı olan əhali qrupunun dövlət tərəfindən bu cür dəstəklənməsinə böyük ehtiyac var”.
 
E.Kərimli deyib ki, bu mexanizmin işlək mexanizmə çevrilməsi, sui-istifadələrin qarşısının alınması üçün yeni hesablama, uçot mexanizmləri tətbiq edilməlidir: “Keçmiş təcrübədən görürük ki, bu cür güzəştlər bəzən ünvana çatmır. Hətta ehtiyacı az olan insanlar tərəfindən istifadə və sui-istifadə imkanları yaradır. Bu hal baş verməsin deyə dövlətin tənzimləyici orqanları tərəfindən çox ciddi araşdırmalar aparılmalı, ortaya şəffaf sistem qoyulmalıdır. ƏDV-nin ləğv edilməsi büdcə yığımlarına da mənfi təsir göstərə bilər. Bu isə nəticədə büdcədən hesablanan təqaüd və maaşların verilməsinə əngəl ola, büdcə gəlirlərinə müəyyən təsir göstərə bilər”.
 

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.