Yenilik.Az
www.Yenilik.Az » Cəmiyyət » Bu halda məktəb bağlanmalıdır

Bu halda məktəb bağlanmalıdır

Bu halda məktəb bağlanmalıdır
2023-01-08 , 11:35

Son bir ayda ölkə ərazisində qrip və COVİD-19 virusu aktivləşməyə başlayıb. Risk qrupuna daxil olan şəxslər üçün bu vəziyyət təhlükəli xarakter daşıyır.

Yenilik.az xəbər verir ki, İnfeksionist Mərdan Əliyev son günlər ölkəmizdə yayılan qripəbənzər virusla bağlı açıqlama verib.
O bildirib ki, yeni virus koronavirus qədər təhlükəli olmasa da, insanlar özlərini bu xəstəlikdən gözləməlidir:
"Dekabr ayından ölkəmizdə qripə bənzəyən xəstəlik yayılıb. Bu virus, əsasən, yuxarı tənəffüs orqanlarına təsir göstərir. Virusa yoluxan şəxslərdə ilk olaraq boğaz ağrısı başlayır və şiddətlənir, daha sonra burun axması, tutulması baş verir. Bundan başqa, xəstələrdə halsızlıq, qızdırma, oynaq ağrıları da müşahidə olunur. Xəstəliyin əlamətlərinin COVİD-19 virusu ilə oxşarlıq təşkil etməsinə baxmayaraq, analizlərdə koronavirus testinin nəticəsi neqativ göstərir. Həmin virusla bərabər COVİD-19 da yenidən aktivləşib. Lakin qrip virusuna yoluxma halları üstünlük təşkil edir. Sağlam insanlar üçün təhlükə ehtimalı olmasa da, risk qrupuna daxil olan şəxslər bu xəstəlikdən özlərini gözləməlidirlər. Yaşı 65-dən yuxarı olan, xroniki xəstəlikdən əziyyət çəkən insanlar, onkoloji xəstələr, qaraciyər sirrozu və revmatoid artriti olan şəxslər də bu virusa yoluxan zaman xəstəlik müddətini daha ağır keçirir".
Həkimin sözlərinə görə, virus yayılan məktəblərdə lokal qapanmalara getmək əsas məsələdir:
"Hər hansı məktəb, yaxud sinifdə yoluxma halları müşahidə edilərsə, virusun yayılmasının qarşısını almaq üçün lokal qapanma və qorunma tədbirlərini həyata keçirmək lazımdır. Belə hallarda tədrisi onlayn formada davam etdirmək daha yaxşıdır".

Redaksiya ilə əlaqə: (+994) 50 295 94 79 | [email protected]
OXŞAR XƏBƏRLƏR
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.