Yenilik.Az
www.Yenilik.Az » Cəmiyyət » Orta məktəbi vaxtından əvvəl bitirmək istəyənlərin NƏZƏRİNƏ

Orta məktəbi vaxtından əvvəl bitirmək istəyənlərin NƏZƏRİNƏ

Orta məktəbi vaxtından əvvəl bitirmək istəyənlərin NƏZƏRİNƏ
2023-01-11 , 14:28

Yenilik.az xəbər verir ki, ümumi təhsilin hər hansı səviyyəsini vaxtından əvvəl bitirmək istəyən istedadlı şagirdlər üçün eksternat qaydasında imtahan keçiriləcək.

Bu barədə Bakı Şəhəri üzrə Təhsil İdarəsindən xəbər verilib.
Bildirilib ki, eksternat imtahanı yanvarın 12-də təşkil olunacaq.
Ümumi təhsil müəssisələri tərəfindən müvafiq müşayiət məktubu ilə adları təqdim edilmiş şagirdlərin biliyi test imtahanı vasitəsilə yoxlanılacaq. İmtahan hər fəndən 10 sual olmaqla, fənn proqramlarına uyğun hazırlanacaq və nəticələr müvafiq komissiya tərəfindən 100 ballıq şkala üzrə qiymətləndiriləcək. Test imtahanından uğurla keçən istedadlı şagirdlər müsahibəyə cəlb olunacaqlar.
Qeyd edək ki, istedadlı şagirdlər üçün təşkil olunan eksternat imtahanı Elm və Təhsil Nazirliyinin müvafiq əmri ilə təsdiq edilmiş “Ümumi təhsil pilləsinin ibtidai, ümumi orta və tam orta təhsil səviyyələrinin vaxtından əvvəl bitirilməsi Qaydaları” əsasında keçirilir.

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.