Yenilik.Az
www.Yenilik.Az » Cəmiyyət » Nigar Köçərli:"İnsanları məhv etməyin"

Nigar Köçərli:"İnsanları məhv etməyin"

Nigar Köçərli:"İnsanları məhv etməyin"
2020-07-05 , 23:11

“Bu 4 ayda mən heç zaman şikayət etməmişəm, çünki bizimlə yanaşı bütün dünya ağır günlərini yaşayır. Amma son vaxtlar hökümətin qeyri-adekvat qərarları məni məcbur edir ki, bu fikri mən də söyləyim: bunların məqsədi bizi məhv etməkdi?”.

 
Bunu "Əli və Nino" kitab mağazaları şəbəkəsinin sahibi Nigar Köçərli deyib.
 
N.Köçərli qeyd edib ki, 4 aydır, var-gücümüzlə çalışırıq ki, işçilərimiz evə əli-boş getməsin, bir qədər maaş alsınlar: “Mağazalar bağlandı, dedik heç olmasa online satışla yaşayaq. Bu səhər heçbir məlumat verilmədən hamının işə çıxmaq icazəsi ləğv olundu. Online mağazamızda çalışan 20 işçimiz səhər işə gəlsələr də nə sifarişləri çatdıra, nə də evə qayıda bilmirlər. Bütün qaynar xətlər deyirlər ki, iş günü müraciət edin. Bu durumda yalnız biz deyilik, minlərlə digər insanlar da bu tələyə düşüb, cərimələnirlər! Yoluxmanın qarşısını ala bilmirsiniz. Xəstələri xilas edə bilmirsiniz. Evlərində ehtiyac içində acından ölən insanlara kömək edə bilmirsiniz! Heç olmasa gündəlik evinə çörək aparan insanları məhv etməyin!”

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.