Yenilik.Az
www.Yenilik.Az » Cəmiyyət » “Məcburi köçkünlər sanatoriyaları yerli-dibli söküb aparırlar” - Səttar Möhbalıyev

“Məcburi köçkünlər sanatoriyaları yerli-dibli söküb aparırlar” - Səttar Möhbalıyev

“Məcburi köçkünlər sanatoriyaları yerli-dibli söküb aparırlar” - Səttar Möhbalıyev
2020-08-07 , 11:00

“Məcburi köçkünlər sanatoriyaları yerli-dibli söküb aparırlar”.


Bunu Milli Məclisin bu gün keçirilən iclasında deputat Səttar Möhbalıyev deyib.

O bildirib ki, Azərbaycan Həmkarlar İttifaqları Konfederasiyasının (AHİK) sanatoriyalarında, istirahət mərkəzlərində uzun illərdir, qaçqın və məcburi köçkünlər yaşayır: “Onlar gedəndə də oranı yerli-dibli söküb aparırlar. Pəncərələri, döşəmələri sökürlər. Dövlət tərəfindən AHİK-ə bir manat vəsait ayrılmır. Mən Maliyyə Nazirliyinə təklif göndərdim ki, uzun illərdir, bu şəxslər AHİK-in sanatoriyalarında yaşayıblar, bizə niyə vəsait ayrılmır? Biz vəsait tələb edəndə deyirlər ki, qeyri-dövlət təşkilatısan. Yaxşı, biz qeyri-dövlət təşkilatıyıq, bizə güzəştli kreditlər verilsin ki, sanatoriyaları bərpa edək. Hesab edirəm ki, bu məsələyə baxılmalıdır”.

S. Möhbalıyev, həmçinin, Naxçıvana dövlət büdcəsindən ayrılan vəsaitin az olduğunu da xatırladıb: “1,3 milyon manat vəsait ayrılıb, ayrılmasa, ondan yaxşı idi”.

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.