Yenilik.Az
www.Yenilik.Az » Cəmiyyət » “Baku Medical Plaza” dünyasını dəyişən hərbçinin ailəsinin ittihamlarına CAVAB VERDİ

“Baku Medical Plaza” dünyasını dəyişən hərbçinin ailəsinin ittihamlarına CAVAB VERDİ

“Baku Medical Plaza” dünyasını dəyişən hərbçinin ailəsinin ittihamlarına CAVAB VERDİ
2021-01-25 , 20:27

Azərbaycan Silahı qüvvələrinin zabiti, 1982-ci il təvəllüdlü Rəşad Səbzulla oğlu Mahmudovun ailəsi tərəfindən "Baku Medical Plaza”ya qarşı ittihamlar irəli sürülüb.


Sfera.az xəbər verir ki, ittihama görə, Azərbaycan Silahı qüvvələrinin zabiti, 1982-ci il təvəllüdlü Rəşad Səbzulla oğlu Mahmudov meydana gələn simptomlara görə müraciət etdiyi Hərbi Hospitalda ona beynin mininqioması (xoşxassəli şiş) diaqnozunu qoyublar. Amma hospitalda əməliyyat üçün lazımi avadanlığın olmadığı bildirilib. Onun vəziyyətinin anidən pisləşməsi səbəbindən ailəsi Rəşadı Babək Prospektində yerləşən "Baku Medical Plaza”ya -   yəni özəl xəstəxanaya müraciət edib. Dekabr ayını 15-də neyrocərrah Tural Rəhimli şişin alınması üzrə əməliyyat keçirib. Həkim əməliyat üçün ödəniş götürməyib.

R.Mahmudovun həyat yoldaşı Yuliya xanımın sözlərinə görə, əməliyyatdan bir müddət sonra Rəşadda "klebsiella" infeksiyası nəticəsində yaranan aspirasion pnevmoniya aşkar edilib, nəticədə həkim onu reanimasiyada saxlamaq qərarına gəlib. Rəşad ağır vəziyyətdə süni tənəffüs aparatına qoşulub. Onun klinika xərclərini qarşılamaq üçün bankdan kredit götürülüb. Rəşadın vəziyyəti çox kirtik olduğu üçün digər klinikalar onu qəbul etməyib. Ailəsi Rəşadın klinika xərclərini ödəmək üçün yardım istəyib.

Məsələ ilə bağlı  "Baku Medical Plaza”dan Sfera.az-a bildirilib ki, hərbçinin 20 min manat məbləğində göstərilən tibbi xidmət xərcləri klinika hesabına aparılıb: 

"Son günlərdə bəzi sosial şəbəkələrdə və saytlarda dərc edilən xəbərdə klinikamız ciddi ittihamla qarşı-qarşıya qoyulub.

Bu barədə klinikamızla əlaqə saxlamadan, məsələyə bizim münasibətimizi öyrənmədən dərc edilən məlumatda həqiqətlər öz əksini tapmayıb. Pasient Rəşad Mahmudovun ailəsi klinikamıza Meningioma (beyin şişi) diaqnozu ilə müalicə aldığı Hərbi Hospitalda əməliyyat üçün lazımi avadanlıq olmaması səbəbindən müraciət edib. Vəziyyətinin ağır olması və əməliyyatdan sonra yarana biləcək fəsadlar barədə öncədən ailəsinə məlumat verilib və onların da razılığı ilə son şans olaraq 15.12.2020-ci tarixində klinikamızda əməliyyat keçirilməsi qərara alınıb. Pasientin əməliyyatına və reanimasion xəsrclərinə görə həkimlər və klinika əlavə məbləğlərdən imtina edib, ödədilən vəsait reanimasion müalicəsi üçün zəruri dərmanlara xərclənib, əlavə olaraq 20 000 manat məbləğində göstərilən tibbi xidmət klinika hesabına təmənnasız göstərilib.

Klinikamızın reanimasiya şöbəsində mütəmadi olaraq infeksiya kontrol şöbəsi tərəfindən infeksiyalara qarşı nümunələr götürülür və bu nümunələrdə adı çəkilən klebsiella bakteriyası aşkarlanmayıb. Bu tip bakteriyalar hər insanın orqanizmində mövcud olan və immun sisteminin aşağı düşməsi ilə üzə çıxan bakteriyalardır. Pasientin müalicəsi aspirasion pnevmaniya diaqnozu ilə reanimasiya şəraitində davam etdirilib. Klinika olaraq hərbçimiz üçün əlimizdən gələn hər bir şeyi etdik. Həkim heyəti və tibbi personalın səylərinə baxmayaraq təəssüf ki, onun həyatını xilas etmək mümkün olmadı.

Biz, Baku Medical Plaza olaraq hər zaman hərbçilərimizin və qazilərimizin yanında olmuşuq və onlara  əlimizdən gələn dəstəyi göstərmişik. Ümumiyyətlə, müharibədə ikinci Qarabağ müharibəsində iştirak edib-etməməsindən asılı olmayaraq bütün hərbçilərin, eləcə də siravi vətəndaşların həyatı bizim üçün çox önəmlidir".

Qeyd edək ki, "Baku Medical Plaza"dan saytımıza verilən məlumatda o da qeyd olunub ki,  ailəsi əksini bildirsə də, Rəşad səhhəti ilə bağlı olaraq müharibədə iştirak etməyib.

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.