Qərbi Kaspi Universitetinin İnformasiya texnologiyaları kafedrasının müəllimi Türkanə Qəhrəmanlı 20-21 aprel tarixlərində dünyanın ən böyük robot festivalı olan “Robotex”in Türkiyənin Antalya şəhərində keçirilən yarımfinal mərhələsində uğura imza atıb.T.Qəhrəmanlının yarışmada iştirak edən 2 komandasının hər biri qalib olub. Belə ki, Water rally və Girls’ Firefighting kateqoriyaları üzrə universitet səviyyəsində olan yarışmada onun komandaları I yerə layiq görülüb.
Estoniyada əsası qoyulan “Robotex” festivalı dünyanın ən böyük robot yarışması hesab edilir. “Robotex Türkiyə”də dünyanın 11 ölkəsindən 19 fərqli kateqoriya üzrə 400-dən çox komanda, 2500-dən artıq iştirakçı yarışıb.
Qalib komandalar “Robotex”in final mərhələsində iştirak hüququ qazanıblar.