Times Higher Education Impact Rankings 2024 nəticələri açıqlanmışdır. THE IMPACT Rankings 2024-də 125 ölkədən/regiondan 2152 universitetin qiymətləndirməsi aparılıb.1963 universitetin daxil edildiyi reytinqdə Qərbi Kaspi Universiteti mümkün 100 bal üzrə dəyərləndirmədən 64.6 bal toplayaraq 601-800- cü sıralarda qərarlaşıb. Qərbi Kaspi Universiteti Birləşmiş Millətlər Təşkilatının 17 Dayanıqlı İnkişaf Məqsədlərinə - Gender bərabərliyi, Sərfəli və təmiz enerji, Bərabərsizliyin azaldılması, Məqsədlər üçün tərəfdaşlıqlar məqsədləri üzrə verdiyi əhəmiyyətli töhfələrə görə seçilib.
Xatırladaq ki, THE Impact Rankings müxtəlif kriteryalar əsasında qurumların Birləşmiş Millətlər Dayanıqlı İnkişaf Məqsədləri (SDGs) ilə əlaqəli fəaliyyətlərinin keyfiyyətini və effektivliyini ölçür. Bu indikatorlar arasına həmçinin təhsil və elmi tədqiqat, təbii sərvətlərin idarə edilməsi, sağlamlığın təminatı və sosial müdafiə, iqtisadi artım və iş yaradılması, cəmiyyətin inkişafı və ictimaiyyətin qorunması kimi sahələrdə əldə edilən nailiyyətlər daxildir.