“Embawood” sosial şəbəkədə paylaşılan foto ilə bağlı susur: “Şirkət rəhbərliyi tapşırıb verib ki...”

11-04-2025, 17:02 " class="post-main-photo"> Xəbər verdiyimiz kimi, ötən gün Bakıda taksi sürücüsü ilə bağlı baş verən bədbəxt yol qəzası hadisəsindən “yararlanmağa” çalışan “Embawood” şirkətinin rəsmi “Facebook” səhifəsindəki paylaşımı sosial şəbəkələrdə xeyli etirazla qarşılanıb və şirkət ciddi şəkildə tənqid olunub. Bədbəxt hadisədən özünə reklam qazanmağa çalışan şirkət linç edildikdən sonra paylaşımı silsə də, ictimaiyyətə açıqlama verməyi belə özünə əziyyət hesab edib, susqunluğunu qoruyub. 
Pravda.az şirkətin mövqeyini öyrənmək üçün “Embawood”un baş ofisi ilə əlaqə saxlayıb.
 
Şirkətin əməkdaşı suallara aydınlıq gətirmək əvəzinə rəhbərliyin tapşırığını saytımıza diktə edib: “Sualınızla bağlı ofisimizə rəsmi məktubla müraciət etməlisiniz. Şirkət rəhbərliyi belə tapşırıq verib”.