Tanınmış mammoloq-radioloq Günel Qəmbərova sosial şəbəkə hesabında paylaşdığı videoya görə tənqid edilib. Belə ki, pasiyenti müayinə zamanı geyindiyi əlcəyə öskürən həkimin gigiyena qaydalarına əməl etməməsi etirazla qarşılanıb. 
Haqqında səslənən fikirlərlə bağlı Pravda.az-a danışan G.Qəmbərova deyib ki, həmin an pasiyenti əməliyyat deyil, müayinə edib.
 
“Müayinə zamanı gigiyenik bir şeyə ehtiyac yox idi. Həmin an əməliyyatda deyildim ki. Gigiyenik qayda pozulmayıb. Adi müayinədir. Camaat onu əlcəksiz edir, hələ mən əlcəklə etmişəm...” – o bildirib.