Uşaqların siqaret tüstüsünə məruz qalması onların immun sistemini zəiflədir və müxtəlif xəstəliklərə qarşı müdafiəsiz hala gətirir. Eyni zamanda gələcəkdə siqaretə başlama ehtimalını da artırır. 
Pravda.az bildirir ki, siqaretin evdə çəkilməsi uşaqlarda həm davranış pozuntularına, həm də nikotinə asılılığın formalaşmasına səbəb ola bilər. Uşaqlar böyüklərlə müqayisədə daha həssas olduqları üçün az miqdarda siqaret tüstüsü belə astma, bronxit, sinusit və öskürək kimi xəstəliklərə, eləcə də inkişaf hormonlarına zərər verə bilər.
 
Balkonda siqaret çəkmək kifayət etmir
 
Siqaret çəkən valideynlər balkona çıxsalar belə, tüstünün qoxusu üzərlərində qalır və bu, uşaqları dolayı yolla zəhərləyir. Evdə siqaretin tamamilə qadağan olunması və valideynlərin siqareti tərgitməsi tövsiyə olunur.
 
Təkcə valideynin siqaret çəkməməsi kifayət deyil
 
Əgər uşağa baxan baxıcı və ya uşaq bağçasındakı müəllimlər siqaret çəkirsə, bu da uşağın sağlamlığına mənfi təsir göstərir. Buna görə də baxıcının və təhsil müəssisəsinin siqaretsiz mühit təqdim etdiyindən əmin olmaq vacibdir.