Çin istehsalı olan BYD avtomobil satıcısı “BYD Motors Azerbaijan” MMC ilə bağlı cərimə protokolu imzalanıb.Tribunainfo.az xəbər verir ki, “BYD Motors Azerbaijan”ın İnzibati Xətalar Məcəlləsinin gömrük qaydaları əleyhinə olan 485.2-ci maddəsini pozduğu məlum olub. Tələbi pozulan maddəyə əsasən, Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə, vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.
“BYD Motors Azerbaijan”la bağlı iş baxılmaslı üçün Səbail rayon Məhkəməsinə göndərilib. 5 sentyabr tarixində hakim Salihə Bağırovanə sədrliyi ilə işə baxılacaq.
Qeyd edək ki, cərimələnməsi gözlənilən şirkətin nizamnamə kapitalı 10 manatdır. Şirkətin qanuni təmsilçisi Məlikov Mahir Əli oğludur.
Qarşı tərəfi dinləməyə hazırıq.