Ölkənin böyük dərman firması və apteklər şəbəkəsi olan “Zeytun Pharma” ilə bağlı cərimə protokolu imzalanıb.Yenilik.az xəbər verir ki, firma İnzibati Xətalar Məcəlləsinin ticarət qaydalari əleyhinə olan 452.1-ci maddəsini pozub. Tələbi pozulan maddəyə əsasən, apteklərdə resept təqdim edilməklə buraxılmalı olan dərman vasitələrinin reseptsiz buraxılmasına və ya yetkinlik yaşına çatmayanlara dərman vasitələrinin buraxılması qaydalarının pozulmasına görə, yüz əlli manatdan iki yüz əlli manatadək məbləğdə cərimə edilir.
“Zeytun Pharma” ilə bağlı iş baxılması üçün Gəncə şəhər Məhkəməsinə göndərilib. 25 sentyabr tarixində hakim Liza Xanməmmədovanın sədrliyi ilə işə baxılacaq.
Qeyd edək ki, “Zeytun Pharma” MMC şirkətinin rəhbəri Bəhruz Şirəliyevdir.
Qarşı tərəfi dinləməyə hazırıq
Tribunainfo.az