Yenilik.Az
www.Yenilik.Az » Dünya » “Putin siyasət səhnəsini rüsvayçılıqla tərk edəcək“ - “Atəşkəs mümkün olmayacaq“

“Putin siyasət səhnəsini rüsvayçılıqla tərk edəcək“ - “Atəşkəs mümkün olmayacaq“

“Putin siyasət səhnəsini rüsvayçılıqla tərk edəcək“ - “Atəşkəs mümkün olmayacaq“
2022-03-21 , 12:13

“Vladimir Putinin irəli sürdüyü 6 bənd təklif deyil. Ukraynanı kapitulyasiyaya, qeyd-şərtsiz təslim olmağa çağıran mənasız şərtlərdir”.


Yenisabah.az xəbər verir ki, bu sözləri Rusiya-Ukrayna müharibəsinin nəticəsi haqqında proqnozlarını ifadə edən politoloq Qabil Hüseynli deyib. O, modern.az-a açıqlamasında bildiirb ki, bu günədək əziyyət çəkən, itki verən Ukrayna xalqının məğlubiyyətə razılaşması çətin məsələdir.

“Rusiya xalqı özü seçim qarşısındadır. Addımları əqli-intellektual cəhətdən şübhə doğuran bir şəxsin dediyi ilə oturub-durmağa razılaşacaq, yoxsa yox?! Danışıqlar, atəşkəs mümkün olmayacaq. Rusiya qalib kimi davransa da, məğlubiyyətə bərabər durumdadır. Üstəlik, suveren dövlətin ərazisinə iddialarını açıq surətdə ortaya qoyub. Bunu nə dünya, nə də Ukrayna xalqı qəbul edəcək. Putin siyasət səhnəsini rüsvayçılıqla tərk edəcək”, - politoloq Rusiya Prezidenti Vladimir Putinin Ukraynaya atəşkəs üçün irəli sürdüyü 6 tələbi dəyərləndirərkən bildirib.

Qeyd edək ki, Rusiya Prezidenti Vladimir Putin Ukraynada atəşkəs üçün 6 tələb irəli sürüb. Putin bu tələbləri Türkiyə Prezidenti Rəcəb Tayyib Ərdoğanla telefon danışığı zamanı səsləndirib.

“Birincisi, Ukraynanın neytrallığı, yəni NATO-ya üzvlüyündən imtina etməsidir. İkinci tələb Avstriya modeli kontekstində tərksilah və qarşılıqlı təhlükəsizlik təminatlarıdır. Üçüncüsü, Rusiya tərəfinin “denazifikasiya” adlandırdığı prosesdir”, -  Türkiyə Prezidentinin mətbuat katibi İbrahim Kalın deyib.

Bundan əlavə, Putin Ukraynanın Krımın ilhaqını, Donetsk və Luqansk qondarma “respulika”larını tanımasını tələb edib. 

Redaksiya ilə əlaqə: (+994) 50 295 94 79 | [email protected]
OXŞAR XƏBƏRLƏR
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.