Yenilik.Az
www.Yenilik.Az » Dünya » Prezident 21 yaşlı qızını nazir müavini təyin etdi

Prezident 21 yaşlı qızını nazir müavini təyin etdi

Prezident 21 yaşlı qızını nazir müavini təyin etdi
2020-09-02 , 08:36


Ramzan Kadırovun qızı Ayşat Kadırova Çeçenistan Mədəniyyət nazirinin birinci müavini olub.


Bunu regionun başçısı özü elan edib.


"Ayşat Kadırova Çeçenistan Respublikası Mədəniyyət nazirinin birinci müavini vəzifəsinə təyin edildi",- deyə R.Kadırov Telegram kanalında yazıb.

Çeçenistan başçısının sözlərinə görə, Kadırova ən mürəkkəb layihələrə rəhbərlik təcrübəsinə malikdir. O qeyd edib ki, Ayşat kolleksiyaları bir çox ölkələrdə qiymətləndirilən, çeçen adət-ənənələrini bütün dünyaya nümayiş etdirən Modalar evinə rəhbərlik edib.

Respublika rəhbəri Ayşat Kadırovanın Çeçenistan Filarmoniyasının inkişafına töhfə verdiyini də əlavə edib. Bildirib ki, o bu ilin mart ayında "Çeçenistan Respublikasına xidmətlərinə görə" medalı ilə təltif edilib.

"Xüsusilə son zamanlarda Ayşat tədqiqatlarını daha çox mədəniyyət sahəsinə həsr edib, bu istiqamətdə tanınmış və aparıcı mütəxəssislərlə fəal şəkildə əməkdaşlıq edib və onlarla əlaqə qurub",-deyə R.Kadırov vurğulayıb.


Respublikanın rəhbəri onu da qeyd edib ki, bu təyinatla bağlı qərar Çeçenistanın Mədəniyyət naziri Xoj-Baudi Daayevin təşəbbüsü əsasında verilib.

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.