"Baş nazir Nikol Paşinyan Ermənistanda sülhü təmin edə bilmir, sadəcə müharibə gətirir".Musavat.com erməni mediasına istinadən xəbər verir ki, bu sözləri Ermənistan parlamentinin “Mənim şərəfim var” fraksiyasının rəhbəri Hayk Mamicanyan deyib.
Onun sözlərinə görə, Paşinyan ancaq müharibəni və zəmanətli məğlubiyyəti təmin etməyə qadirdir.
Mamicanyan bunu Ermənistan parlamentinin spikeri Alen Simonyanın Azərbaycanla sülh müqaviləsinin imzalanması üçün indiki mərhələdə tarixi imkan yaradıldığı barədə sözlərini şərh edərkən bildirib.