ABŞ-ın keçmiş prezidenti Donald Tramp Rusiya ordusunun Ukraynaya müdaxiləsinə cavab olaraq Moskvanı bombalayacağını bildirib. Çinin Tayvanı ələ keçirməyə çalışdığı halda Pekini də bombalamağa hazır olduğunu söyləyib.
Musavat.com xarici agentliklərə istinadən xəbər verir ki, bu barədə o, seçki kampaniyası çərçivəsində donorlarla görüşlərinin birində bildirib. Həmin məlumatı etbarlı mənbələr “The Washington Post” qəzetinə çatdırıblar.

Onların sözlərinə görə, Tramp bu cür bəyanatlarla “bəzi donorları təəccübləndirib”. Bu ilin noyabrında prezidentliyə namizədliyini irəli sürməyi planlaşdıran keçmiş prezident donorlardan milyonlarla dollar istəyir.