İranın yeni seçilmiş Prezidenti Məsud Pezeşkian ölkədə əhalinin zəruri ehtiyaclarının qarşılanması ilə bağlı intensiv hökumət müşavirələrinə başlayıb.İranın “Tasnim” agentliyinə istinadən yayılan məlumatda bildirilir ki, dövlət başçısı səhiyyə, neft və kənd təsərrüfatı nazirləri ilə ayrı-ayrılıqda görüş keçirib.
Görüşlərdə əsas diqqət əhaliyə göstərilən xidmətlərin səmərəliliyinin artırılmasına və bu sahədə daha çevik və strateji yanaşmanın tətbiqinə yönəlib.
Prezident Pezeşkian qeyd edib ki, ölkənin mövcud sosial-iqtisadi vəziyyəti daha güclü koordinasiya və planlaşdırma tələb edir. O, bu istiqamətdə digər qurumların nümayəndələri ilə də məsləhətləşmələrin davam etdiriləcəyini bildirib.