Yenilik.Az
www.Yenilik.Az » Maqazin » “Murad məni izləmədən çıxarmaqla qalmayıb, hətta bloka atıb”

“Murad məni izləmədən çıxarmaqla qalmayıb, hətta bloka atıb”

“Murad məni izləmədən çıxarmaqla qalmayıb, hətta bloka atıb”
2022-10-15 , 17:18

“Mən çox kinli insanam. Baş verənləri unutmuram. Murad kinli deyil, o, yaddan çıxarır, mən yox. Unutmadığım üçün foto paylaşmaq da içimdən gəlmir”.

Yenilik.az xəbər verir ki, bu sözləri aktrisa Ülviyyə Xəlilbəyli “Olay”a müsahibəsində deyib.
O, aktyor həyat yoldaşı Murad İsmayıldan boşanmaları haqqında gəzən söz-söhbət barəsində danışıb: “Əslində xarakterli insanam. Ailə qurduqdan sonra bir müddət ailəmi qorumaq xatirinə daha yumşaq oldum. Daha çox Azərbaycan xanımı necə olmalıdırsa, o qaydalara riayət etdim. Bir də gördüm ki, mən artıq dəyişmişəm, başqa biriyəm. Bu dəyişiklik mənim özümü narahat edirdi. Etiraf edim ki, şüuraltı ilə işləmək üçün bir xanıma müraciət etmişəm. Məndə olan pis travmaların təsir göstərməməsi üçün seanslar keçdik. Bundan sonra özümə qayıda bildim. Böyüklərin kənardan dedikləri və sairə qoymurdu ki, özüm olum. Ailəm də məni elə tərbiyə edib ki, ətrafı daha çox düşünərək yaşayırdım. Sonra ayıldım ki, burada yaşamayan əslində mənəm. Çünki başqalarına görə yaşayırdım, özüm üçün yox. Bu, məni incitdi. Dedim ki, özüm necəyəmsə, elə olacam. İstəyən sevsin, istəyən sevməsin, özü bilər. Əslində səhv özümdə olub. Gərək başda necə varamsa, elə də qalardım. İstəyən qəbul edir”.
Aktrisa bildirib ki, həyat yoldaşı onu instaqramda bloka da atıb: “Biz ayrılmamışdıq. Aramızda çox böyük problemlərimiz olub. Öz aramızda konfiliktlərimiz var idi. Muradın məni izləmədən çıxardığından xəbərim yox idi. Bir də gördüm ki, mənə göndərirlər ki, izləmədən çıxarmısız. Dedim, axı mən etməmişəm. Sonra baxdım ki, Murad məni izləmədən çıxarmaqla qalmayıb, hətta bloka atıb. Əsəbi olduğu üçün belə edib. Mən nə qədər əsəbi olsam da, bu addımı atmırdım. Bilirdim ki, saytların dilinə düşəcəm. Ona görə yalnız vatsapda blok edirdim. Amma Murad sağ olsun, bunu düşünməyib. Axı hirsli başda ağıl olmur. Ona görə də həmin söhbət gündəm oldu. Həmin gün böyük oğlum Fuadın ad günü idi. Biz məcbur idik bir araya gələk. Nə olursa, olsun, uşağın ad gününü korlamağa haqqımız yox idi”.  
Ülviyyə Xəlilbəyli sosial şəbəkə hesabında birlikdə fotolarını paylaşmamasından da danışıb. O bildirib ki, Murad özünü bağışlatsa, birlikdə fotolarını paylaşa bilər. 

Redaksiya ilə əlaqə: (+994) 50 295 94 79 | [email protected]
OXŞAR XƏBƏRLƏR
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.