Əməkdar artist Aygün Bəylərin vida mərasimində tar ifaçısı kimi tanınan Elxan Müzəffərovun İctimai TV-nin müxbirinə qarşı davranışı müzakirələrə səbəb olub. 
Pravda.az xəbər verir ki, E.Müzəffərov jurnalistin onu tanımamasına qəzələnib. 
 
İctimai TV-nin müxbirinin “Aygün Bəylərin nəyisiniz? Qohumusunuz? Onunla bağlı xatirələrinizi bölüşərdiniz” sualına E.Müzəffərov “Məni haradan tanıyırsan, yaxınlaşmısan? Sizi mənim üstümə kim göndərib?” cavabını verib. 
 
Tar ifaçısı davranışına görə sosial şəbəkələrdə tənqid hədəfinə tuş gəlib. Çoxları onu indiyə qədər tanımadıqlarını, efirdə görmədiklərini, sənətindən xəbərsiz olduqlarını bildiriblər.