Yenilik.Az
www.Yenilik.Az » Ölkə » Məcburi köçkün Günel Mövlud: “Ermənilərə qarşı nifrət çağırışları etmək pisdir”

Məcburi köçkün Günel Mövlud: “Ermənilərə qarşı nifrət çağırışları etmək pisdir”

Məcburi köçkün Günel Mövlud: “Ermənilərə qarşı nifrət çağırışları etmək pisdir”
2020-07-26 , 11:52

“Başqa vaxt məni yazıçı hesab etməyənlər, son hadisələrdə məndən mövqe gözləyirmiş. Bağışlayın, doğrudan da bilməmişəm. Deməli, dünyanın müxtəlif şəhərlərində həmvətənlərimiz məhz etnik zəmində ermənilər tərəfindən hücumlara məruz qalıb, döyülüb, bu gün isə bir qrup erməni bir azərbaycanlını təkləyərək, məhz etnik nifrət zəmində vəhşicəsinə, alçaqcasına döyüb. Etnik zəmində nifrət pisdir, murdardır, etnik zəmində zorakılıq isə cinayətdir. Ümumiyyətlə, zorakılıq cinayətdir”.

 
Bunu Cəbrayılda doğulub məcburi köçkün düşmüş yazıçı Günel Mövlud deyib.
 
“Onsuz da deyəcəklərimin bir əhəmiyyəti olmayacaq, amma mən o döyülən həmvətənlərimizin, onların yaxınlarının yerinə olsam, bu vəhşiliyə başqa cür cavab verərdim. O zorba, qoluzorlu şərəfziləri məhkəməyə vermək, həbs etdirmək, çoxrəqəmli mənəvi təzminat almaq, yaşadığınıza ölkələrin mətbuatı ilə ünsiyyət qurub, müsahibə vermək, hadisələri beynəlxalq miqyasda ictimailəşdirmək, bu vəhşiləti rüsvay etmək. Onlara ən böyük zərbə elə budur. Yox, döyülənlər, ya onların yaxınları sabah bir dəstə yığıb, oxşar cavab verəcəksə, ya heç şiddətə məruz qalmayan başqa bir dəstə azərbaycanlı gedib etnik zəmində hansısa erməniləri döyəcəksə, zorbalıq edəcəksə, onda gedin öz oyununuzu oynayın. Mən "cavab zərbələrini" dəstəkləmirəm. Hə, bu arada, mən o döyülmə videolarını, şəkilləri paylaşa bilmərəm. Yaşadığım ölkənin qanunvericiliyi şiddət, qan, etnik zəmində nifrət oyada biləcək kontentlərin yayımına qarşı həssasdır və mənim cərimə edilməyə, yaşadığım yerdə hörmətdən düşməyə halım yoxdur. O ki qaldı digər şeylərə, bir daha deyirəm ki, ermənilərə qarşı nifrət çağırışları etmək pisdir. Dünyadakı imic üçün də pisdir, ümumiyyətlə də pisdir. İndi, yenə məni istədiyiniz qədər söyə bilərsiniz” – G.Mövlud qeyd edib.
 
Yazıçı mövqeyinə görə sosial şəbəkədə sərt tənqid edilib, hətta kitab mağazalarından biri G.Mövludun kitablarının satışına qadağa qoyub.

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.