Bakı metropoliteni stansiyalarının işıqlandırma sisteminin dövrün tələblərinə uyğun yenilənməsi çərçivəsində “20 Yanvar” stansiyasının platforma və vestibülündə yeni müasir və qənaətcil led lampalar quraşdırılıb.“Bakı Metropoliteni” QSC-nin məlumatına görə, hərəkətin təhlükəsizliyinə və sərnişindaşıma prinsiplərinə maneə törətməmək üçün işlər müvəqqəti işıqlandırma təmin edilməklə, gecə növbəsində təşkil olunub.
Platforma tavanında enerji sərfiyyatı daha çox olan köhnəlmiş 72 Vt-lıq (biri 36 Vt olan cüt lampa) 128 lampa çıxarılıb. Onların əvəzinə 48 Vt-lıq panel formalı 96 led lampa düzülüb.
Vestibüldə də hər biri 36 Vt olmaqla 72 ədəd cüt lampa çıxarılmaqla əvəzinə 60 ədəd 48 Vt-lıq lampa quraşdırılıb.
Əlavə edək ki, “Cəfər Cabbarlı” stansiyasının əsaslı təmir olunmuş bir platforması ilə yanaşı, son aylarda “Nizami” və “Elmlər Akademiyası” stansiyalarının da işıqlandırma sistemi dəyişdirilib.