Xəbər verdiyimiz kimi, bu gün səhər saatlarında İrəvanda vətəndaş itaətsizliyi aksiyaları başlayıb, bir sıra küçələr bağlanıb.Musavat.com erməni mediasına istinadən xəbər verir ki, Qarabağda baş verən son hadisələrlə əlaqədar ölkənin müxtəlif universitetlərinin tələbələri və müəllimləri tətil keçirirlər.
“Ermənistan” fraksiyasından olan deputat, Milli Komitənin üzvü İşxan Saqatelyan bildirib ki, bu gün saat 18:00-da Respublika meydanında böyük mitinq keçiriləcək.
Qeyd edək ki, İrəvanda davam edən aksiyalar zamanı polis Ermənistanın keçmiş prezidenti Robert Köçəryanın oğlu Levon Köçəryanı saxlayıb. Onun aldığı xəsarətlər səbəbilə xəstəxanaya yerləşdiriləcəyi bildirilir.