Yenilik.Az
www.Yenilik.Az » Rəsmi » Tibb Universitetinin klinikasında koronavirusa yoluxmuş xəstə yoxdur - Rəsmi

Tibb Universitetinin klinikasında koronavirusa yoluxmuş xəstə yoxdur - Rəsmi

Tibb Universitetinin klinikasında koronavirusa yoluxmuş xəstə yoxdur - Rəsmi
2020-03-14 , 16:24

"Azərbaycan Tibb Universitetinin Tədris Cərrahiyyə Klinikasında koronavirusa (COVID-19) yoluxmuş xəstə yoxdur".

"Yeni Sabah" xəbər verir ki, Universitetin mətbuat xidmətindən verilən məlumata görə, bunu Terapevtik Klinikanın direktoru Samir Allahverdiyev sosial şəbəkələrdə yayılan xəbərlərə münasibət bildirərkən deyib.

Onun sözlərinə görə, koronavirusla əlaqədar sosial şəbəkələrdə Azərbaycan Tibb Universitetinin Tədris Terapevtik Klinikasının adı əsasız şəkildə hallandırılaraq güya klinikada COVID-19 virusuna yoluxmuş xəstənin müalicə aldığı barədə məlumat yayılıb:

"Məsələyə aydınlıq gətirərək qeyd edim ki, bir neçə gün əvvəl Tədris Cərrahiyyə Klinikasına müraciət edən pasientlərdən biri xarici ölkədə olduğu üçün şübhəli bilinərək Elmi-Tədqiqat Ağciyər Xəstəlikləri İnstitutuna göndərilib. Ona görə də həmin xəstə ilə təmasda olan bütün tibbi personal hər ehtimala qarşı müayinədən keçirilib. Şöbənin yerləşdiyi mərtəbə bağlanılıb, təkrar dezinfeksiya işləri aparılıb. Klinikada nəinki koronavirus şübhəsi doğuran, heç hərarəti olan xəstə də yoxdur. Yüksək hərarətli xəstə bizə müraciət etdiyi təqdirdə onu qəbul etmir, 1 saylı Şəhər Klinik Xəstəxanasına yönləndiririk. Bizdə nə infeksiya şöbə fəaliyyət göstərir, nə də həkim-infeksionist var. Ona görə də həmin xəstələrin müayinə və müalicəsi üçün şərait olmadığından koronavirus şübhəsi doğuran xəstələri klinikamıza qəbul etmək imkanımız yoxdur”.

Samir Allahverdiyev qeyd edib ki, sosial şəbəkə istifadəçilərini heç bir əsas olmadan yaydığı yalan informasiyalar əhalidə təşviş və həyəcan yaratmağa xidmət edir.

Direktor insanları həqiqətdən uzaq olan belə məlumatlara inanmamağa çağırıb və klinikanın fəaliyyətini qrafikə uyğun şəkildə davam etdirdiyini bildirib. /Oxu.az

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.