Yenilik.Az
www.Yenilik.Az » Sağlamlıq » “Siqaret tüstüsü kişilərdə dodaq xərçəngi yaradır“ - Həkim

“Siqaret tüstüsü kişilərdə dodaq xərçəngi yaradır“ - Həkim

“Siqaret tüstüsü kişilərdə dodaq xərçəngi yaradır“ - Həkim
2020-09-10 , 17:54

Ötən il Azərbaycanda 530 min xəstə bədxassəli şişlərlə xəstələnmə nəticəsində müalicə-profilaktika müəssisələrində qeydiyyatda olub. Bir il əvvəl isə qeydiyyatda olanların sayı 493 min 700 nəfər idi. Dövlət Statistika Komitəsindən verilən məlumata görə, keçən il ilk dəfə qoyulmuş diaqnozla 12 min 107 nəfər qeydiyyata alınıb.

Yenisabah.az xəbər verir ki, onlardan 5 min 807 nəfəri kişi, 6 min 300 nəfəri qadın olub. İlk dəfə diaqnoz qoyulanlardan 2 min 122 nəfər süd vəzisi, 1 359 nəfər traxeya, bronx və ağciyər, 1277 nəfər mədə, 635 nəfər düz bağırsaq, 446 nəfər qida borusu, 220 nəfər qırtlaq, 205 nəfər ağız boşluğu və udlaq, 59 nəfər dərinin melonoması, 18 nəfər dodaqların xərçəngi xəstəliyindən əziyyət çəkib.
Bəs bu xəstəliyin, xüsusilə də dodaq xərçənginin artmasına səbəb nədir? Tibb elmləri doktoru, professor Adil Qeybulla Sherg.az-a açıqlamasında dodaq xərçəngi xəstəliklərinin artmasını bir neçə faktorla əlaqələndirib. Ekspert bildirib ki, son zamanlar bu xəstəlik qadınlara nisbətən kişilərdə daha çox artıb:
"Dodaq xərçənginin artmasının başında ilk olaraq siqaretdən daha çox istifadəsi durur. Siqaret tüstüsü nəticəsində yaranma ehtimalı var. Bu zaman dodaqda leykoplogiyaya rast gəlinir.
Yəni dodaq qırmızısının ağarmış sahələri əmələ gəlir ki, o da dodağın xroniki qıcıqlanmasına işarədir. Ümumiyyətlə, erkən dodaq xərçəngində heç bir əlamət olmaya bilər. Ən tez əlamət dodaqda sağalmayan yaranın olmasıdır. O çox vaxt alt dodaqda meydana çıxır". 
A.Qeybulla müxtəlif keyfiyyətsiz dodaq boyalarından, kosmetik vasitələrdən xərçəngin bu növünün əmələ gəldiyini qeyd edib:
"Tanınmış firmaların kosmetik məhsulları bir sıra təcrübələrdən keçirilir.
Onların bədənə mənfi təsiri, xəstəlik törətmək kimi bir çox neqativ təsirləri araşdırılır. Lakin kustar üsulla hazırlanan məhsullar isə heç bir təcrübədən keçirilmir. Nəticədə də, təbii ki, onlar bədənə mənfi təsir göstərirlər". 

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.