Yenilik.Az
www.YENILIK.Az » Təhsil » Dərslər mayın 1-dək təxirə salınır? - YENİLƏNİB + RƏSMİ AÇIQLAMA

Dərslər mayın 1-dək təxirə salınır? - YENİLƏNİB + RƏSMİ AÇIQLAMA

Dərslər mayın 1-dək təxirə salınır? - YENİLƏNİB + RƏSMİ AÇIQLAMA
2020-03-08 , 17:07

“Nazirlər Kabinetininin operativ Qərargahı adından Təhsil Nazirliyinin saytında guya məktəblərdə tətilin 1 mayadək uzadılması haqqında məlumat doğru deyil, yanlışdır”.


Oxu.Az xəbər verir ki, bunu Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib.

“Belə xəbərləri yayanları cinayət məsuliyyəti gözləyir. Xahiş edirik, rəsmi xəbərlərə istinad edin”, - deyə o bildirib.“Koronavirus təhlükəsi ilə əlaqədar təhsil müəssisələrində tədris, təlim və tərbiyə prosesinin dayandırılması müddətinin mayın 1-dək uzadılması barədə yayılan xəbər həqiqəti əks etdirmir”.

Bunu APA-ya açıqlamasında Nazirlər Kabineti mətbuat xidmətinin rəhbəri İbrahim Məmmədov bildirib.

İ.Məmmədov deyib ki, bu, tamamilə yanlış xəbərdir.

İ.Məmmədov xatırladıb ki, dünən Baş nazir Əli Əsədovun imzaladığı sərəncama əsasən, yoluxma hallarının qarşısının alınması və ölkə ərazisində yerləşən bütün təhsil müəssisələrində tibbi-profilaktik, dezinfeksiyaedici və digər qabaqlayıcı tədbirlərin davam etdirilməsi məqsədilə 2020-ci ilin mart ayının 10-dan 20-dək (ilk tədris günü mart ayının 27-si müəyyən edilir) bütün təhsil müəssisələrində tədris, təlim-tərbiyə prosesi dayandırılır və bununla bağlı bütün tədbirlər təxirə salınıb:

“Bu müddətin mayın 1-nə qədər uzadılması barədə yayılmış xəbər isə tamamilə yalandır”.

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.