Noyabrın 24-dən bu günə kimi ASAN Xidmətdə “ASAN imzanı” sertifikatlaşdırmaq olmur. Bildirilir ki, “sistem işləmir”. Tribunainfo.az yazır ki, iqtisadçı Zöhrab İsmayıl bildirib ki, dünyanın bir çox ölkəsində, hətta Ukraynada elektron imza üçün heç yerə getmək lazım deyildi. Bir çox bankların internet bankçılığı vasitəsilə identifikasiya mümkündür və kompüterin arxasında 5 dəqiqə oturub bu məsələni həll etmək mümkündür:
“Ya da mobil telefondan elektron hökumət portallarına Bank ID vasitəsilə də daxil ola bilərsən. Bizdə isə mobil nömrə və şəxsiyyət vəsiqəsi məlumatları ilə daxil olmağa çalışırsan, video yazırsan, amma nəsə yenə identifikasiya oluna bilmirsən. Videon kiminsə xoşuna gəlmir.
“ASAN imza” üçün isə əvvəl get “ASAN nömrə” al, sonra da ASAN Xidmətə get sertifikat al. O da 4-5 gündür işləmir”.