Qərbi Kaspi Universitetinin Azərbaycan dili Hazırlıq kursunun əcnəbi tələbələri üçün maarifləndirici səfər təşkil olunub.Azərbaycan dili və ədəbiyyatı kafedrasının təşəbbüsü ilə reallaşan Abşeron turu çərçivəsində tələbələr Qobustan qoruğu, Palçıq vulkanları, Yanar Dağ və Atəşgah məbədi kimi Azərbaycanın tarixi və təbii məkanlarını ziyarət ediblər.
Səfərdə ABŞ, Koreya, Pakistan və Boliviyadan olan tələbələr iştirak edərək Azərbaycan mədəniyyəti, tarixi və coğrafiyası ilə yaxından tanış olublar.
Tələbələr səfər boyunca təəssüratlarını paylaşaraq, gördükləri qədim abidələr və təbiət möcüzələrinin onlarda dərin təsir yaratdığını bildiriblər.