Çeçenistanın rəhbəri Ramzan Kadırov Çeçenistanda musiqi əsərləri üçün temp tələblərini təsdiqləyib. Yeni qayda lə Çeçenistanda “iti templi” musiqi parçaları qadağan olunur.Musavat.com xarici agentliklərə istinadən xəbər verir ki, bu barədə “Qroznı-İnform” portalı Çeçenistanın mədəniyyət naziri Musa Dadayevə istinadən məlumat yayıb.
"Çeçenistan Respublikasının rəhbəri Ramzan Axmatoviç Kadırovla razılaşdırılmış yekun qərarı elan edib. Bundan sonra bütün musiqi, vokal və xoreoqrafik əsərlər dəqiqədə 80-dən 116 vuruşa qədər tempə uyğun olmalıdır", - Dadaev bildirib.
Çeçenistan Mədəniyyət Nazirliyinin rəhbərinin sözlərinə görə, bu qərar yerli qrupların ifa etdiyi musiqinin “Çeçen mentalitetinə və musiqi ritminə” uyğun olmasını təmin etmək üçün verilib.