Tanınmış müğənni Nüşabə Musayeva “Tarixin bir günü” verilişində səsləndirdiyi açıqlama ilə sosial şəbəkələrdə geniş müzakirələrə səbəb olub. Verilişin aparıcısı Tolikin suallarını cavablandıran sənətçi şəxsi həyatı ilə bağlı səmimi və eyni zamanda cəmiyyətin sərt reaksiyasına səbəb olan bir etiraf edib.Yenilik.az xəbər verir ki, Nüşabə Musayeva sevdiyi insandan xəyanət gördüyünü bildirib və bu ağır emosional vəziyyətin təsiri ilə eyni addımı atdığını deyib. Onun sözlərinə görə, bu davranışı ilə içindəki ağrını və ruhundakı sarsıntını sakitləşdirməyə çalışıb:
"Mənə xəyanət olunub, mən də etmişəm, yaxşı etmişəm! Ruhumu sakitləşdirmək üçün etmişəm". 
Bu etiraf sosial şəbəkə istifadəçilərinin ciddi reaksiyasına səbəb olub. Bir çoxları müğənninin bu davranışını tənqid edib, onun xəyanəti “normallaşdırmağa çalışmaq”da günahlandırıb. 
Eyni zamanda, verilişin aparıcısı Tarix Əliyev (Tolik) də tənqid atəşinə tutulub. Sosial şəbəkə istifadəçiləri Tolikin belə şəxsi mövzularda suallar verməsini etik saymyıblar. 
Qeyd edək ki, Nüşabə Musayeva sənət fəaliyyətindəki səmimiyyəti ilə tanınır. Lakin bu dəfə onun səmimiyyəti birmənalı qarşılanmayıb və əksər izləyicilər tərəfindən "yanlış nümunə" kimi qəbul olunub.
Yenisabah.az