Cari ilin 6-8 mart tarixlərində Avropa Vəkillər Assosiasiyası (AEA-EAL) və Polşanın Maria Curie-Sklodovska Universitetinin Hüquq və İdarəetmə fakültəsinin təşkilatçılığı ilə “Müasir rəqəmsal transformasiyalar mühitində hüquq peşəsi. Çağırışlar və dilemmalar” mövzusunda sözügedən ölkənin Lublin şəhərində beynəlxalq konfrans keçirilib.Tədbirdə AEA-EAL üzvləri, Fransa, İtaliya, İspaniya, Polşa və digər ölkələrin hüquqşünasları, vəkil və hüquqşünas alimləri iştirak edib.
Azərbaycan Respublikasının Vəkillər Kollegiyasının, “Elektron vəkillik", Biznes Hüququ” və AEA-EAL-in İKT komitələrinin üzvü İlham Hüseynov sözügedən konfransa qatılıb və “Beynəlxalq hüquqda maliyyə öhdəliklərinin hüquqi tənzimlənməsində süni intellektin rolu” mövzusunda çıxış edib.
Eyni zamanda, tədbir çərçivəsində İlham Hüseynov AEA-EAL-in prezidenti Mariya Slazak, Lublin Hüquq məsləhətçiləri palatasının rəhbəri Arkadius Bereza, Hindistan Vəkillər Kollegiyasının prezidenti Prashant Kumar, Maria Curie-Sklodovska Universitetinin professoru Marzena Świstak ilə görüşlər keçirib və qarşılıqlı əməkdaşlıq məsələlərini müzakirə edib.