Aktrisa Zülfiyyə Qurbanova: "İnsanlar ağrılarımı görüb hücum çəkməsinlər deyə maskalanıram" - VİDEO

Baku TV-nin "Qapqara" verilişinin yeni buraxılışının qonağı aktrisa Zülfiyyə Qurbanova olub.

 
O, bacısının vəfatından sonra keçirdiyi ağır hisslərdən və daxili dəyişikliklərdən bəhs edib:
 
"Bacımın vəfatından sonra çox dəyişdim, bəzən özümü tanımıram. Kənardan baxanda eyni insan kimi görünürəm, çünki insanlar ağrılarımı görüb hücum çəkməsinlər deyə maskalanıram. Amma daxilən tamamilə dəyişmişəm. İçimdəki körpə uşağı isə heç kimə göstərmək istəmirəm. Çünki insanlar həssas yerlərimizdən vurmağa çalışırlar".
 
Aktrisa, həmçinin bütün çətin anlarında yalnız 15 illik sirdaşına güvəndiyini vurğulayıb:
 
"Rəfiqə, sadəcə, çay içdiyin və ya vaxt keçirdiyin adamdır. Sirdaş isə başqadır, o, bütün ağır dövrləri səninlə keçən, yanında səsli düşünə bildiyin və heç vaxt xəyanət etməyəcəyini bildiyin insandır. Biz başımıza nə gəlsə də, heç vaxt bir-birimizin əlini buraxmamışıq".