Mediasiya Şurasının geniş tərkibli ilk iclası keçirildi

15 may 2023-cü ildə Mediasiya Şurası İdarə Heyəti, Komissiya və Komitə sədrləri və üzvləri, təlimçilər, mediasiya təşkilatı rəhbərləri və təsisçilərinin iştirakı ilə geniş tərkibli iclas keçirilib. Eyni zamanda Naxçıvan MR daxil olmaqla, regionda fəaliyyət göstərən bütün mediasiya təşkilatlarının “ZOOM” onlayn platforması üzərindən geniş tərkibli iclasa qoşulmaları təmin edilib.

Açılış nitqi ilə çıxış edən Mediasiya Şurası İdarə Heyətinin sədri Nadir Adilov Mediasiya Şurasının fəaliyyəti ilə bağlı hesabatı təqdim edib, yeni yaradılacaq “E-Mediasiya” portalı barədə məlumat verib. Mediasiya təşkilatlarının marketinq fəaliyyəti barədə danışan sədr bildirib ki, hər bir təşkilat ölkə ərazisində yeni sahə olan mediasiyanın təbliğatı və inkişafı üçün öz töhfəsini verməlidir. N. Adilov mövcud problemlər və onların həlli istiqaməti, eyni zamanda görülən işlər və qarşıda duran tapşırıqların icrası barədə geniş məruzə ilə çıxış edib. N. Adilov iclasın gündəliyini açıq elan edib və iclasın gündəliyində mediasiya xidmətlərinin keyfiyyətinin artırılması və qeyri-formal mediasiya proseslərinə qarşı görülən tədbirlərlə Daxili Audit Komitəsi və İntizam Komissiyasının hesabatının dinlənilməsini təklif edib.
Mediasiya Şurası Daxili Audit Komitəsinin sədri İlham Mehtiyev Bakı 1 saylı mediasiya təşkilatında aparılan monitorinqlərin nəticələri barədə mediasiya proseslərinin məxfiliyinin qorunması şərti ilə məruzə ilə çıxış edib. İlham Mehtiyev işlərin, mediasiya proseslərinin keyfiyyətinin artırılması sahəsində Bakı 1 saylı mediasiya təşkilatında olan məsələləri bütün iştirakçıların diqqətinə çatdırıb. İlham Mehtiyevin məruzəsindən sonra Bakı 1 saylı mediasiya təşkilatının nümayəndəsi Şahin Məmmədrzalı məruzə barədə Bakı 1 saylı mediasiya təşkilatı ilə bağlı qeyd edilən məsələlərə münasibət bildirib və suallara aydınlıq gətirib. Eyni zamanda Mediasiya Şurasının İntizam Komissiyasının sədri Mayıl Əhməd Bakı 1 saylı mediasiya təşkilatının nümayəndəsi Şahin Məmmədrzalıya ünvanladığı suallara da aydınlıq gətirilməsini xahiş edib və bu barədə təşkilatın nümayəndəsi nöqsanların aradan qaldırılması və mediasiya xidmətlərinin təkminləşdirilməsi üzrə görüləcək tədbirlər barədə məlumat verib.
Davamında Mediasiya Şurası İntizam Komissiyasının sədri Mayıl Əhməd və Mediasiya Şurası Daxili Audit Komitəsinin sədri İlham Mehtiyev Bakı 17 saylı mediasiya təşkilatında Komissiya və Komitə tərəfindən birgə aparılan yoxlamanın nəticələrini mediasiya proseslərinin məxfiliyinin qorunması şərti ilə açıqlanıb və Bakı 17 saylı mediasiya təşkilatının həmtəsisçisi Vüqar Cavadov dinlənilib.
İclas müzakirələr, mediasiya təşkilatı rəhbərlərinin mövqelərinin və rəylərin dinlənilməsi ilə davam edib. Qeyd edək ki, iclas zamanı Mediasiya Şurası Maliyyə Məsələləri Komitəsinin sədri Murad Məmmədov, üzvləri Elçin Həsənov, Kamal Əliyev və Leyla Nəsibovaya Şuranın fəaliyyətində aktiv iştiraklarına görə, Bakı 15 saylı mediasiya təşkilatı rəhbəri Qasım Şaliyevə isə səmərəli marketinq fəaliyyətinə görə təşəkkürnamə təqdim olunub. Eyni zamanda dövlət qeydiyyatına alınmış Qəbələ 1 saylı mediasiya təşkilatının qeydiyyat şəhadətnaməsi təqdim edilib.
Daha sonra isə Bakı 17 saylı mediasiya təşkilatı barədə başlanılan monitorinqlərin nəticəsi barədə Mediasiya Şurası İntizam Komissiyasının sədri Mayıl Əhməd və Daxili Audit Komitəsinin sədri İlham Mehtiyev məlumat verib. Qeyd edilən monitorinqin nəticələri dinlənildikdən sonra Bakı 17 saylı mediasiya təşkilatının həmtəsisçiləri Rəşad İbrahimov və Vüqar Cavadov monitorinq nəticələri barədə suallara və qeyd edilən iradlara, problemlərə aydınlıq gətirib və monitorinqin nəticələrinə dair açıqlamalarını qeyd ediblər.
Dinləmələr və məruzələr ətrafında Mediasiya Şurası Etika Komitəsi, Bakı 2 saylı mediasiya təşkilatı rəhbəri İlhamə Həsənova, Bakı 12 saylı Mediasiya Təşkilatının rəhbəri Sevda Məhərrəmova , Bakı 15 saylı Mediasiya təşkilatının rəhbəri Qasım Şaliyev, Sumqayıt 1 saylı Mediasiya Təşkilatının rəhbəri Etibar Həsənov, Bakı 9 Saylı Mediasiya Təşkilatının rəhbəri Leyla Nəsibova, üzvü Fərhad Mehdiyev, Bakı 14 Saylı Mediasiya Təşkilatının rəhbəri Gəray Məmmədtağıyev, Bakı 6 saylı Mediasiya Təşkilatı rəhbəri Tural Şahbazov, Bakı 4 saylı Mediasiya Təşkilatı rəhbəri Cabbar Həsəəov, Qəbələ 1 saylı mediasiya təşkilatı rəhbəri Ədalət Əliyev, Bakı 11 saylı mediasiya təşkilatının rəhbəri Malik Rzayev, Bakı 18 saylı Mediasiya Təşkilatının rəhbəri Sadiq Bağırov, Maliyyə Mübahisələri Komitəsinin üzvü Zaur Abıyev çıxış ediblər.
Yekunda N. Adilov geniş, şəffaf və açıq müzakirələrə görə iclas iştirakçılarına dərin təşəkkür edib və İdarə Heyətinin qeyd edilən məsələlər barədə qərarı qəbul edilərkən bütün dinlənilən fikirlərin mütləq nəzərə alınacağını və bütün mediatorlara bu nəticələr barədə məlumatların veriləcəyini qeyd edib.