Pezeşkian: "İrana qarşı iqtisadi müharibə aparılır"

İran Prezidenti Məsud Pezeşkian ölkəyə qarşı əsas resursların tədarükünü pozmağa və ictimai narazılıq yaratmağa yönəlmiş “mürəkkəb iqtisadi müharibə” aparıldığını bəyan edib.

Bakupost.az “tasnimnews.com”a istinadla xəbər verir ki, bu barədə Müdafiə Nazirliyi ilə Energetika Nazirliyinin birgə iclasında çıxış edən İran prezidenti vurğulayıb.


O bildirib ki, iqtisadi təzyiqin müasir formaları birbaşa hərbi qarşıdurmadan daha mürəkkəbdir. İran prezidentinin sözlərinə görə, xarici qüvvələr əhalinin su, elektrik enerjisi, qaz və digər həyati əhəmiyyətli resurslarla sabit təchizatını pozmağa çalışırlar.


Pezeşkian qeyd edib ki, bu cür hərəkətlər, onun qiymətləndirməsində, sosial narazılığı artırmağa və dövlət idarəçiliyinə etimadı sarsıtmağa yönəlib.

İran prezidenti həmçinin ölkənin əhəmiyyətli resurs və geosiyasi potensialını vurğulayaraq, onun "müstəsna imkanlara və unikal strateji mövqeyə" malik olduğunu bildirib.