Azərbaycanlı müğənni 340 minlik maşını ilə görüntüləndi - VİDEO

Müğənni Arzu Mirzəyeva lüks avtomobili ilə görüntülənərək diqqət mərkəzinə düşüb.

Milli.Az xəbər verir ki, sənətçinin idarə etdiyi və təxminən 200 min dollar (340 min manat) dəyərində olduğu bildirilən avtomobil izləyicilərin marağına səbəb olub. Arzu Mirzəyeva avtomobilin ona hədiyyə edilib-edilmədiyi və ya şəxsi vəsaiti hesabına alınıb-alınmadığı ilə bağlı suala isə konkret cavab verməyərək bunu sirr saxlayıb.
İfaçı açıqlamasında sənət fəaliyyətindən yaxşı qazanc əldə etdiyini də etiraf edib. O bildirib ki,  gün ərzində dörd fərqli məkanda səhnəyə çıxır.
Arzu həmçinin şou xarakterli proqramlarda əsasən vaxt keçirmək və tamaşaçılarla ünsiyyətdə olmaq üçün iştirak etdiyini deyib. Müğənni əlavə edib ki, işləməyə ciddi ehtiyacı olmadığını düşünür.
Sənətçi şəxsi həyatı ilə bağlı da danışaraq çox gəzməyi sevmədiyini, işi olduqda evdən çıxdığını, proqramını tamamladıqdan sonra isə yenidən evə qayıtmağa üstünlük verdiyini bildirib.
Onun açıqlamaları və bahalı avtomobili sosial şəbəkələrdə maraqla qarşılanaraq müzakirələrə səbəb olub.