Elşad Xose dəlixanaya yerləşdirilib - İddia

Elşad Xosenin səhhətində ciddi problem yarandığı iddia olunub.

"Bakupost" "Yeni Sabah"a istinadla xəbər verir ki, bu barədə "SKNDL MAG" məlumat yayıb.

Xosenin bir neçə gün əvvəl Maştağada yerləşən Respublika Psixiatriya Xəstəxanasına yerləşdirilib.

İddialara əsasən, reperin səhhəti hazırda ağır qiymətləndirilir.

Xatırladaq ki, iyulun əvvəlində reperdən polisə şikayət olunmuşdu.

E.Xose ilə “Sea Breeze” ərazisində çıxış etməsi barədə 5500 manatlıq sövdələşmə imzalanıb.Razılaşma zamanı reperə əvvəlcədən 500 manat beh də ödənilib. Lakin konsertin keçirilməsinə cəmi 4 saat qalmış Elşad Xose əvvəlcədən razılaşdırılmış qonorarın artırılmasını tələb edib. O, əlavə ödəniş edilməyəcəyi təqdirdə səhnəyə çıxmayacağını bildirib.

Məkan rəhbərliyi isə əvvəlcədən bağlanmış razılaşmanın dəyişdirilməsinin doğru olmadığını vurğulayaraq əlavə ödəniş etməkdən imtina edib. Nəticədə, Elşad Xose konsertə gəlməyib və proqram baş tutmayıb.

Konsertin ləğv olunmasından sonra məkana gələn müştərilərlə rəhbərlik arasında narazılıq yaranıb. Hadisənin ertəsi günü məkan sahibi Bakı Şəhər Baş Polis İdarəsinə müraciət edərək şikayətçi olub.

BŞBPİ-yə çağırılan reper ifadəsində məkanın "Sea Breeze" olduğunun ona əvvəlcədən deyilmədiyini iddia edib. Qarşı tərəf isə iddiaları təkzib edərək telefon danışıqlarını sübut kimi təqdim edib. Yazışmalarda məkanın "Sea Breeze" olduğunun açıq şəkildə qeyd edildiyi üzə çıxıb.

Bu ilin yanvarında da o, küçədə söyüş söydüyü üçün həbs olunmuşdu.