Səidə Dadaşova Elzanı tənqid etdi: "Mən də onu yola salmağa tacla gələcəyəm"

Səidə Dadaşova Elza Seyidcahanın atası Rafael Dadaşov haqqında səsləndirdiyi fikirlərə cavab verib.

 
AZXEBER.COM xəbər verir ki, bir neçə gün öncə Əməkdar artist Elza Seyidcahanın "Rafael Dadaşovun evi yox idi, verilişə çəkilirdi. Məndən xahiş etdilər ki, mənim evimdə çəksinlər. Mən də razılaşdım, qapılarımı açdım, gəlib çəkdilər" sözləri Səidə Dadaşovanı özündən çıxardıb.
 
O, sağ ikən atasından belə bir hadisəni eşitmədiyini bildirib:
"Mən həmişə atamın yanında olmuşam, bir dəfə belə bu nağılı eşitməmişəm. Onun evinə nə gəlib ki? Dövlətimiz ona gözəl də ev verib. Mənim də evim var, qardaşımın da".
 
Daha sonra Elza Seyidcahanın Rafael Dadaşovun yas mərasiminə tac ilə qatılması müzakirə olunub.
 
Elza Seyidcahan bunu çəkilişə getməsi ilə əlaqələndirib:
 
"Mən çəkilişə gedirdim. Başımda tac var idi. Yolda eşitdim Rafael müəlllim rəhmətə gedib. Çəkilişdən qayıdıb yasa getdim ki, onu yola salım. Amma jurnalistlər o boyda sənətkarın dəfnindən yox, mənim tacımdan yazdı. Mən ona görə ora tacla getdim ki, Rafael Dadaşov taclara laiq aktyor idi".
 
Səidə Dadaşova eyni addımı ataraq Elza Seyidcahanı tacla yola salacağını deyib:
 
"Həyatdır, bilmək olmaz nə olacaq. Amma mən də bir gün başıma tac qoyub Elza xanımı yola salacağam. Deyəcəyəm taclara laiq sənətkar idi. Burda nə var ki? Amma mənim tacım qara olacaq, qırmızı yox. Özü də brilliant qaşlarla. Yenə də bilmək olmaz. Bəlkə Elza xanım məni də yola salacaq? Onda da başqa tac taxar gələr".