Bu qədər də cahillik olar?

Axmaq adama cavab verməmək ən yaxşı cavabdır. Amma bəzən axmaq adam elə axmaqlıq edir ki, artıq cavab verməyə bilmirsən. Çünki cavab verməsən özü kimi axmaqlar və az sayda sadəlövh insanlar axmaq adamın iddiasına inanacaq, həqiqət kimi qəbul edəcəklər. Feysbukda özünü lap gic yerinə qoymuş hamam səhifəsi HamamTimes kimi.

Bu səhifəni işlədən adminlərə təlimat verən ermənipərəst dairələr deyəsən “bacardığınız qədər özünüzü gic və axmaq göstərin” deyiblər, onlar da bu missiyanı layiqincə yerinə yetirirlər. Belə ki, Prezident İlham Əliyevin Almaniyada səfəri zamanı mətbuata açıqlama verən zaman qarşısındakı kağızda “H.E. Aliyev” yazılması Hamam səhifəsinin adminlərini elə həvəsləndirib ki, bundan şou düzəltmək istəyiblər, amma özlərini biabır ediblər. Nə qədər axmaq, kütbeyin, savadsız  və cahil olmalısan ki, “H.E.”-nin ingilis dilində “His excellency”, yəni “Zati-aliləri” ifadəsinin lakonik yazılış forması olduğunu bilməyəsən, yaxud bilmədiyin, başın çıxmayan bir şeyi şouya çevirib özünü gülünc hala salasan. Belə axmaq gədalar həmişə özləri özlərini ifşa ediblər, görünür hələ də bu missiyanı davam etdirməkdə və gülüş obyekti olaraq qalmaqda israrlıdırlar. 

 
Xanlar Xoca