Yumurtanı saniyədə qabığını soymağın ən asan yolu: Qaynar suya yarım çay qaşığı...

Ailə ziyafətləri və bayram süfrələri üçün salat hazırlayarkən bərk qaynadılmış yumurtaların qabığının çətin soyulması və ağından hissə-hissə qopması bir çox aşpazın qarşılaşdığı ən böyük problemlərdən biridir.Qaynama prosesində suya cəmi yarım çay qaşığı qida sodası əlavə etməklə bu çətinliyi saniyələr daxilində kökündən həll etmək mümkündür. Təzə yumurtaların daxili pH dəyəri aşağı olduğu üçün yumurtanın ağı qabığın altındakı membrana daha bərk yapışır, suya soda əlavə edildikdə isə suyun qələviliyi artır və bu qələvi mühit qaynama zamanı ağın qabığa yapışmasının qarşısını alır. Bu faydalı üsul hazır məhsulun dadına heç bir mənfi təsir göstərmir, lakin nəticənin mükəmməl olması üçün standart bir qazan suya yarım çay qaşığından artıq soda tökmək məsləhət görülmür, çünki normadan çox istifadə olunan soda qabıqları hədsiz kövrək edərək onların elə qaynama zamanı qazanda parçalanmasına yol açır.
Uğurlu nəticə əldə etmək üçün mütəxəssislər sodanı məhz su qaynamağa başlayanda əlavə etməyi və yumurtaları birbaşa qaynar suya qoymağı tövsiyə edirlər, çünki yüksək temperaturun təsirindən zülal sürətlə laxtalanır və membranla təması minimuma enir. Qaynama prosesi bitdikdən dərhal sonra yumurtaların 5-7 dəqiqəlik buzlu soyuq suya yerləşdirilməsi də vacib şərtdir, çünki bu ani temperatur şoku daxildəki ağın bir qədər sıxılaraq qabıqdan tam ayrılmasına şərait yaradır. Soyma prosesinə isə həmişə içərisində hava boşluğunun yerləşdiyi küt ucdan başlamaq və proseduru zəif axan su altında aparmaq lazımdır, çünki suyun təzyiqi qabıq hissəciklərinin asanlıqla sürüşüb düşməsini təmin edir.//Demokrat.az