NETANYAHU XALQA MÜRACİƏT ETDİ – “BİZ DAYANMAYACAĞIQ”

İsrailin baş naziri Benyamin Netanyahu xalqa müraciət edərək, HƏMAS yaraqlılarına qarşı müharibəni qalibiyyətlə sona çatdıracağını vəd edib.

Tribunainfo.az xəbər verir ki, hökumət başçısının sözlərinə görə, İsrail indi öz mövcudluğu uğrunda müharibə aparır.
“Bu müharibəni qadınların, uşaqların və qocaların qətlini tərənnüm edən vəhşilər bizə həvalə ediblər. HƏMAS-ın törətdiyi vəhşiliklər İŞİD-in vəhşiliklərindən bəri görünməmiş bir hadisədir.
Biz həmişə HƏMAS-ın nə olduğunu bilirdik. İndi bütün dünya bilir. Həmas İŞİD-dir. Biz isə işıqlı dünya İŞİD-i məğlub etdiyi kimi qalib gələcəyik. Həmas müharibə istəyirdi, buna nail olacaq”, – Netanyahu bildirib.
O qeyd edib ki, İsrail ərazisində hələ də xeyli sayda terrorçu var.
“Həmas-a hücum etməyi əmr etmişəm, çünki biz onlara əvvəllər hücum etməmişik. Və bu, hazırda baş verir. Biz HƏMAS-a qarşı müharibəyə yeni başlamışıq. İndi Qəzzada gördükləriniz yalnız başlanğıcdır. Biz yüzlərlə terrorçunu öldürdük və dayanmayacağıq”, – Netanyahu bildirib.
O, həmçinin əlavə edib ki, o, müxalifət liderlərini heç bir ilkin şərt olmadan milli birlik hökumətinə qoşulmağa dəvət edib