Nərimanov rayon prokurorunun sabiq müavini restoranda bıçaqlanıb - Açıqlama

Xəbər verdiyimiz kimi, bir neçə gün əvvəl Bakıda yerləşən “Hollivud” restoranında bıçaqlanma hadisəsi baş verib. Restorandakı insident zamanı Usubov Zeynal Mütəllim oğluna bir neçə bıçaq zərbəsi vurulub.

Faktla bağlı Binəqədi rayon Polis İdarəsində Cinayət Məcəlləsinin 221-ci (xuliqanlıq) maddəsi ilə cinayət işi başlanılıb. İstintaq davam edir.
Restoranın sahibi kimi tanınan iş adamı Şərurlu İsfəndiyar Pravda.az-a açıqlamasında bıçaqlanmadan xəbərsiz olduğunu deyib: “Hollivud” restoranını 10 illik icarəyə vermişəm. Hadisədən xəbərim yoxdur. Mənə heç nə deməyiblər...”
***
Bakıda yerləşən “Hollivud” restoranında bıçaqlanma hadisəsi baş verib.  Yerli mətbuatda yayılan məlumatlara görə, münaqişə zamanı Usubov Zeynal Mütəllim oğluna bir neçə bıçaq zərbəsi vurulub. 
Polis əməkdaşları hadisə yerinə gəldikdən sonra tərəflər sakitləşdirilib və restoranın fəaliyyəti bir neçə saatlıq dayandırılıb. Məlumata görə, hazırda Binəqədi rayon Polis İdarəsinin İstintaq şöbəsində araşdırma aparılır.
Xəbərlərə görə, sözügedən restoran iş adamı olan İsfəndiyar Axundova məxsusdur. O, el içində “Şərurlu İsfəndiyar” kimi tanınır.
Qeyd edək ki, hadisə zamanı bıçaqlanaraq ağır bədən xəsarətləri alan Usubov Zeynal Mütəllim oğlu uzun müddət prokurorluq əməkdaşı olub və Nərimanov rayon prokurorunun sabiq müavinidir.
Qeyd edək ki, hadisə ilə bağlı ilk məlumatı Tribunainfo.az saytı yayıb.