Ofelya Şabanova: "Gəlin kimdir ki, qaynananın yanında qalmasın?"

Müğənni Ofelya Şabanova bu dəfə də qaynana-gəlin münasibətləri barədə açıqlaması ilə sosial şəbəkələrdə tənqid hədəfinə tuş gəlib.

 
Yenilik.az xəbər verir ki, o, “Kim var, kim yox?” verilişində gəlinlərin deyil, qaynanaların tərəfini saxlayaraq belə deyib:
 
“Gəlin istədi-istəmədi, iki il qaynananın yanında qalmalıdır. Gəlin kimdir ki, qaynananın yanında qalmasın? Elə şey olur? Qaynananın tərs baxışını gəlin mütləq görməlidir. Düzdür, insanlara qəribə gələcək. İçimizdə bəzi insanlar qaynanaları nə ediblər, “amandır, qaynana”. Özünü elə apar, qaynana səni çox istəsin, ay gəlin. Axı o da bir anadır. Sən ona bir qucaq açsan, o sənə beş qucaq açacaq. Anamız bizə heç evdə tərs baxmayıb? Qaynana tərs baxanda sən gül. Bir də heç vaxt sənə tərs baxmayacaq. Gəlin kimdir ki, qaynanaya tərs baxsın? Mən də gəlinəm də. Qaynanama qurban olum, başına dönüm. Qaynana və ər bağça müəllimi deyillər ki, evə gələn qızı tərbiyələndirsinlər. Qızı evdən hazırlayıb göndərərlər. Kim fikirlərimi qəbul etmirsə, buz kimi su içsin”.
 
Pravda.az