Yenilik.Az
www.Yenilik.Az » Cəmiyyət » Bayram günlərində təcili yardım stansiyaları gücləndirilmiş iş rejimində çalışacaq

Bayram günlərində təcili yardım stansiyaları gücləndirilmiş iş rejimində çalışacaq

Bayram günlərində təcili yardım stansiyaları gücləndirilmiş iş rejimində çalışacaq
2023-03-17 , 16:58

Novruz bayramı ilə əlaqədar qeyri-iş günlərində TƏBİB-in tabeliyindəki “103” və “113” təcili təxirəsalınmaz tibbi yardım stansiyaları gücləndirilmiş iş rejimində fəaliyyət göstərəcək.

Yenilik.az xəbər verir ki, bu barədə TƏBİB məlumat yayıb.
Bildirilib ki, qeyri-iş günlərində xidməti nəzarətdə saxlamaq üçün məsul şəxslərdən ibarət növbətçilik yaradılacaq, həkim briqadalarının sayı xidməti ştata uyğun təşkil olunacaq.
Bakı şəhərində 139 təcili tibbi yardım briqadası xidmətə hazır vəziyyətdə gətirilib. Onlar tibbi ləvazimatlarla, dərman preparatları və s. ilə tam təmin edilib.
Novruz bayramı ilə əlaqədar qeyri-iş günlərində həm xarici ölkələrdən, həm də bölgələrdən xüsusilə Bakı şəhərinə gələn qonaqların sayında artım müşahidə olunduğu üçün təchizat və təlimat buna uyğun təşkil olunacaq.
Məsul şəxslər tərəfindən təcili tibbi yardım xidmətinin fəaliyyəti ilə bağlı reydlər keçiriləcək. Qüsurlar aşkarlanarsa, dərhal tədbir görüləcək.

Redaksiya ilə əlaqə: (+994) 50 295 94 79 | [email protected]
OXŞAR XƏBƏRLƏR
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.