“Azercell” abunəçilərinə seçim imkanı vermir… – Ekspert

“Azercell” yeganə operatordur ki, abunəçisinə seçim imkanı vermir. Abunəçinin nə istədiyi onu maraqlandırmır. “Azercell” ancaq qazancını, öz cibini düşünür.

Bu sözləri Tribunainfo.az-a mobil rabitə üzrə ekspert İlkin Məmmədkərimov “Azercell Telekom”un abunəçilərdən 2 manat abunə haqqqı tutması ilə bağlı danışarkən deyib. O bildirib ki, bu, böyük bir şirkət üçün utancverici haldır, abunəçinin cibinə girməkdir:
““Azercell” 25 fevraldan etibarın bütün tarif paketlərində 2 manat aylıq abunə haqqı tətbiq edib. Bunun müqabilində 25 şəbəkədaxili dəqiqə və 750 meqabayt internet verilir. Bu çox absurd, yersiz qərar və tətbiqdir. Bu internetdən istifadə etməyən xüsusilə yaşlı nəslin, lap sadə telefon işlədən, internetə girməyənlərin cibinə girməkdir. “Azercell” bu kimi “yeniliklərlə” heç kəsi nəzərə almır, ancaq öz qazancını düşünür.
Bu bir böyük şirkət adına utancverici hərəkətdir. Belə çıxır ki, “Azercell” üçün maraqlı deyil abunəçilərinin narazılığı, müştəri fikri. “Azercell” “edirəm, özüm bilərəm, əcəb edirəm” prinsipi ilə işləyir bu gün. 2 manat aylıq abunə haqqının tutulması bu gün heç bir operatorda yoxdu. Heç bir operator belə bir xidmət tətbiq etmir.
“Azercell” internetdən istifadə etməyənlər üçün bir dənə də tarif saxlamayıb. Bütün abunəçilər, internetdən istifadə etməsə belə məcburi qaydada 2 manat abunə haqqını ödəməlidir. Bu soyğunçuluqdur. İnternetdən istifadə etməyən, ümumiyyətlə, sadə mobil telefon işlədən abunəçidən niyə boş-boşuna 2 manat abunə haqqı tutulmalıdır?
Bu gün hər yerdə internet var, evdə, getdiyimiz restoranlarda, idman salonunda, hər yerdə. Yəni insanlar internetsiz qalmır heç yerdə. Belədirsə, abunəçiləri niyə 2 manat haqq ödəməlidir ki? Onsuz da internetsiz qalmırlar.
“Azercell” yeganə operatordur ki, abunəçisinə seçim imkanı vermir. Abunəçinin nə istədiyi onu maraqlandırmır. “Azercell” ancaq qazancını, öz cibini düşünür”.